反貪風暴之加密危機
《反貪風暴之加密危機》（Crypto Storm），係2024年上畫嘅港產片，由吳卓羲、馬志威、蘇皓兒、張建聲主演，吳家偉執導。戲名雖然用咗「反貪風暴」，但同林德祿執導嘅《風暴》系列（中國大陸叫《反貪風暴》系列）電影冇關連。
故事大綱[編輯]
駱一峰係廉政公署嘅總調查主任，根據署長嘅命令成立咗一支特別小組，負責調查某銀行高層利用加密幣造市而涉及嘅貪污案。駱一峰找嚟咗蓋幣嘅交易平台軟體設計師—徐心，希望佢可以善用高科技進入平台進行搜尋。喺進行調查嘅過程中，發現銀行嘅財政已經搞到亂七八糟，而嫌疑人被鎖定係銀行高層何進濤。喺整個調查過程中，被調查者遭到神秘人襲擊，廉署嘅臥底探員更係遭到毆打致昏迷，重傷不堪。就係呢個時候，銀行主席亦遭到綁架。然而，綁匪唔止高調將綁架片段放上網引起公眾關注，仲要求以造市案有關嘅蓋幣作支付工具。由於種種巧合，令駱一峰更加相信造市案背後嘅黑手同綁匪可能係同一個人。商業犯罪因此演變為刑事罪案，廉政公署發誓會全力追捕兇手[1]。
演員表[編輯]
主要角色[編輯]
其他角色[編輯]
外間迴響[編輯]
- 中國作家協會會員何佳霖喺文匯報專欄寫文，讚揚吳家麗同其他男演員嘅表現[2]。
- 香港影評網站講。鏟。片形容，喺整體節奏上，內容對於片長略為勉強，但整體節奏算係可以。電腦入侵嘅場景亦比起《斷網》同《潛行》實在。男演員表現唔錯，但女演員就只係得蘇皓兒較為做得好[3]。
參考來源[編輯]
- ↑ 〈《反貪風暴之加密危機》電影預告〉. Yahoo News (中文). 2024-01-10. 喺2024-02-01搵到.
- ↑ 〈【影評不設防】 《反貪風暴之加密危機》——任何年代都受歡迎的題材 - 香港文匯報〉. 《大公文匯 www.tkww.hk》. 喺2024-02-01搵到.
- ↑ Ryan (2024-01-26). 〈《反貪風暴之加密危機》：成本製作不高，整體算是奏效〉. 《講。鏟。片》 (臺灣中文). 喺2024-02-01搵到.