同平章事

「同平章事」係「同中書門下平章事」既簡稱，呢個職位最初係喺唐太宗既時候設立。平章呢個詞出自《尚書·堯典》：「九族既睦，平章百姓；百姓昭明，協和萬邦」，東漢名臣蔡邕《上封事陳政要七事》亦都有講：「宜追定八使，糾舉非法，更選忠清，平章賞罰」，所以平章既意思就係治理、管治，係同皇帝商量、處理國事，處理人事同埋賞罰既大臣。唐朝係尚書、中書、門下三省既阿頭做宰相，因為宰相位高權重，亦都唔係常設既職位，所以喺公元682年（唐高宗永淳元年）開始，唐朝皇帝就會任命其他官員，加封「同中書門下平章事」呢個銜頭，簡稱「同平章事」，幫皇帝一齊處理國事。