𦧲
(由吐跳轉過嚟)
𦧲（粵拼：loe1*2）係將口入面嘅嘢經口唇整出口出面嘅行為。唔同年代同地區對呢個行為有唔同嘅理解。
文化內涵
[編輯]喺全球好多發達國家同經濟比較發達嘅地區，向人哋塊面度𦧲係話憎到爆、極度唔滿意、羨慕妒忌恨噉解。尤其係隨地𦧲嘢（包括口水同痰），喺全球經濟發達地區可以睇成唔文明嘅行為。
問題
[編輯]衛生
[編輯]喺中國嘅中醫理論講，民間大多數人認為，痰唔可以積喺身體入面，所以必須快啲𦧲咗佢。但隨地𦧲好容易出現好嚴重嘅衛生問題（因為人體內有好多細菌），所以隨地𦧲係好唔衛生嘅行為。
法律
[編輯]世界有好多國家同地區有將隨地𦧲列入非法行為。例如星架坡，隨地𦧲會罰好多錢，嚴重啲可能要接受鞭刑。喺香港，隨地𦧲一次要罰＄1500。