君主立憲制係一種國家體制。君主立憲係喺保留君主制嘅前提下，通過立憲，樹立人民主權，限制君主權力，實現事實上嘅共和制。
佢嘅特點係國家元首係一位君主（皇帝、國王、大公等等，教宗有時亦被睇成係一個君主）。同其他國家元首唔同嘅係，一般君主係終身制，君主嘅地位喺定義上就已經高過國家其他公民（呢個係君主同一啲其他元首好似獨裁者嘅一個區別，一般獨裁者將自己定義為一個公民，但出於客觀需要佢必須掌權為國家服務），亦往往屬於一個特別階層（貴族），此外世襲制亦往往係君主嘅一個特點（不過喺呢一點上亦有例外）。
