聖佐治教堂（正式名稱係『聖佐治主教座堂』；希臘文：Καθεδρικός ναός του Αγίου Γεωργίου）係目前土耳其伊斯坦堡（君士坦丁堡）最重要嘅東正教教堂。從15世紀東羅馬帝國滅亡，上帝聖智大教堂（又叫做聖索菲亞大教堂；希臘文：Ἁγία Σοφία）被鄂圖曼帝國強行改為清真寺之後，君士坦丁堡正教會領袖，同時亦係全球東正教會精神領袖嘅君士坦丁堡大牧首，就一直以聖佐治教堂作為座堂。
2006年，天主教會領袖，教宗本篤十六世親臨聖佐治教堂，會見東正教會精神領袖巴多祿茂一世，標誌住東西方基督教會大和解向前邁進咗一大步。
