吳雪山

吳雪山，香港親中派工聯會政治人物，曾經係西貢區議員（寶怡選區），2015年香港區議會選舉嘅時候輸咗比民主派嘅謝正楓。

政治立場同經歷

佢係香港親中派一員，2003年首次參選香港區議會選舉但落敗，2007年捲土重來當選，2011年成功連任。

爭議

寶盈花園業主立案法團爭議

佢曾經係寶盈花園業主立案法團前副主席，在任期間曾經喺屋苑商場在 10.1 掛滿中國國旗，亦被指涉及一啲同圍標有關嘅爭議。

冤枉民主派對手刑事毀壞被批評

吳雪山曾經喺2014年6月指控民主派嘅陳展浚同鄭衍祺，毀壞佢喺將軍澳怡明邨入口嘅易拉架，但去到同年12月，法庭判兩名民主派罪名不成立。法官裁決嘅時候質疑吳雪山證供有問題，一時又話案發時兩被告無發現佢，被盤問嗰陣又話陳展浚喺佢身前經過，有可能見到佢，證供有矛盾。法官又批評，吳雪山作供嗰陣搬出神同埋宗教權威，想令法庭相信佢，但說法欠邏輯，法庭對呢種人應該有戒心。