呔咪

呔咪

幫受訪者夾呔咪，唔係拍戲通常唔使將支咪收到完全睇唔見

無線呔咪

呔咪，又叫夾gep6咪，係一種小型嘅咪，設計來lei4夾喺衫或者掛喺頸，但係亦會黐喺身上面，等人唔覺或者直情睇唔到有咪，又或者等用咪嘅人可以隨便郁；呢種咪通常都係全向式收音。

如果用咪嘅人會郁，雖然呢類咪已經設計到儘量減低衫郁引致嘅雜聲，但係如果要收埋支咪喺入衫入面，仍然都可能會有好多雜音，尤其係比較大嘅咪，解決方法係搵嘢套住支咪之後用醫療用嘅低敏膠紙直接將咪黐喺身，不過黐或者夾喺唔同嘅位亦會有唔同嘅收音效果，效果最差係夾喉嚨附近，效果最好係黐喺胸口。