和平島
25°09′39″N 121°45′50″E / 25.16083°N 121.76389°E
| 其他名稱： 和平島 | |
|---|---|
| 地理資料 | |
| 位置 | 基隆港東北 |
| 坐標 | 25°09′39″N 121°45′50″E / 25.16083°N 121.76389°E |
| 最高海拔 | 61m（200ft） |
| 政治管轄資料 | |
和平島係離臺灣本島最近嘅島，喺基隆市中正區，基隆港東北方，佢以臺灣第一座跨海大橋「和平橋」同臺灣本島連接。島上嘅原住民巴賽族叫呢個島做「tuman」，17世紀漢人入墾後叫「大雞籠嶼」或「大雞籠山」，喺1870年代時，為咗要同東北方海上嘅小雞籠嶼（即今日基隆嶼）區分，而改叫「社寮嶼（島）」。
二二八事件後，改叫「和平島」[1]。 係北臺灣最早有鬼佬足跡嘅地方，亦係基隆最早有漢人入墾嘅地方之一。
歷史建築
[編輯]和平島龍目井（和平島紅毛井）
[編輯]和平島龍目井喺西元1626年創建，喺日佔時期1935年築大基隆橋後，更將龍目井加蓋一個半圓拱形嘅水泥遮頂，2006年基隆市政府公告登錄和平島龍目井係基隆市歷史建築。[2]當地居民宜家依然有用緊。
社寮東砲台
[編輯]社寮東砲台嘅歷史可追溯到荷西時期，最早係西班牙同荷蘭人嘅戰爭根據地，喺1626年開始建立，清領時期時係清法戰爭嘅戰備砲台，1886年劉銘傳再度興建社寮砲台；喺日佔時期之後，由總督府築城部基隆支部喺1901年開始改築，1903年完工，1907年又改建社寮砲台，到1924年完成，係基隆要塞十大砲台之一，2004年基隆市政府公告指定社寮砲台係本市市定古蹟。[3]
和平橋
[編輯]和平橋，係台灣第一座跨海大橋，喺基隆市中正區，連接台灣本島同基隆市和平島。喺1934年（日本佔領時期昭和9年）建成，全長約75公尺。
攷
[編輯]- ↑ 台灣人文風景100點
- ↑ 文化部文化資產局 《和平島龍目井》 互聯網檔案館嘅歸檔，歸檔日期2015-07-24.
- ↑ 文化部文化資產局 市定古蹟 《社寮砲台》 互聯網檔案館嘅歸檔，歸檔日期2015-07-23.
- 交通部觀光局和平島濱海公園
- 和平島公園
