咒詛無花果樹

出自維基百科,自由嘅百科全書
跳去導覽 跳去搵嘢
Miracleofthefig.jpg

咒詛無花果樹係《聖經》記載耶穌嘅神蹟之一,喺《馬太福音》同《馬可福音》都有記載。

聖經譯文[編輯]

朝早返城嘅時候,耶穌肚餓,佢睇見路邊有一樖無花果樹,就行埋去,喺樹上乜都搵唔到,只有葉,就對樖樹話:「你永遠唔會再結果子!」嗰樖無花果樹就即刻枯乾咗。門徒睇見,都好驚訝噉話:「無花果樹點解即刻枯乾咗㗎?」耶穌回答佢哋:「我實在話你哋知,你哋有信心又冇疑惑,唔單止能夠行我對無花果樹所行嘅事,就算對呢座山話:『起嚟,跳入海度!』亦會實現。你哋祈禱,無論求啲乜,只要有信心,就一定會得到。」

——《馬太福音》21章18-22節

第二日,佢哋由伯大尼出嚟,耶穌肚餓。佢遠遠見到一樖無花果樹,樹上有葉,就行過去,想吓樹上可以搵到乜。佢到咗樹度,竟然乜都冇,只有葉,因為唔係無花果嘅季節。耶穌就對樖樹說:「從今以後,永沒遠冇人食你嘅果實。」佢嘅門徒都聽到。

另一朝早,佢哋喺嗰度經過,見到無花果樹連根都枯乾咗。彼得諗起耶穌講嘅嘢,就對佢話:「老師,你睇!你詛咒嘅無花果樹已經枯乾咗。」耶穌回答話:「你哋對上帝要有信心。我實在話你哋知,無論邊個對呢座山話:『離開呢度,跳入海度!』佢心裏只要冇疑惑,只要有信心就成就,一定會實現。所以我話你哋知,凡你哋祈禱求啲乜,無論係乜嘢,只要信你哋已經得到,就為你哋實現。你哋企喺度祈禱嘅時候,若果諗起有人得罪你哋,就應該饒恕佢,你哋喺嘅天父亦會饒恕你哋。」

——《馬可福音》11章12-14, 20-25節

概覽[編輯]

當耶穌返城嘅時候,覺得肚餓。佢睇見路邊有一樖無花果樹,想搵一啲無花果嚟食。但係嗰陣卻唔係無花果結果嘅時候,不過喺正常嘅情況之下,有葉嘅無花果樹係冇可能見唔到果實嘅;即使係唔成熟初結嘅果子都應該可搵到。耶穌睇見只有葉但係冇果實嘅無花果樹,就觸景生情,遙望耶路撒冷城,舉國淪落,近在咫尺,難免心情著急。因此借咒詛樹嚟警告以色列人唔肯悔改,唔結果實而遭受刑罰[1]

參考[編輯]