唐碧霞

出自維基百科,自由嘅百科全書
Jump to navigation Jump to search

唐碧霞Yoki Tong1994年—),係香港女模特兒、主持、演員,十五歲拍攝第一個廣告後,就入行做模特兒,做過now TV節目主持,因為參選2016年香港小姐競選後退選而出名[1]

簡歷[編輯]

唐碧霞以前讀新生命教育協會呂郭碧鳳中學,喺2017年取得英國巴拉福特大學工商管理學士學位[2]。佢初出道因其甜美笑容被稱為「C cup陳自瑤」。佢2013年參加過工展小姐選舉[1]。佢係2015年加入now TV,做過體育節目《Everyday》主持,去到2015年尾辭職,備戰第二年嘅香港小姐競選。佢最終有報名參選,但報名無幾耐就傳有大陸有錢人出廿萬請佢去「飯局」[3],然後佢好嬲咁拒絕「飯局」,最後佢因為要繼續讀書所以退選香港小姐[1]。同年,佢參選「大閘蟹小姐競選」而畀人談論[4],再以拍攝電影為由再次退選「大閘蟹小姐競選」。

其後佢喺2016年加盟黃偉文所創立嘅電影公司,成為旗下藝人,主力發展電影、電視劇同主持。2017年參與由協盛協豐(00707)旗下公司星鉑企業同星淘集團聯合打造嘅網絡劇《奪命島》,於2016年12月16號進行開鏡儀式,擔任第二女主角,正式加入娛樂圈。

參考[編輯]