單式反光相機

單式反光相機，口頭上叫做單反相機，又或者係單眼相機、單鏡反光相機，係從構造原理嚟起名嘅，相機裏面用一塊喺鏡頭同底片間嘅鏡將圖像投射去對焦屏上面。大部分單鏡相機都係通過目鏡嚟到睇五棱鏡反射嘅像，亦都有其它形式嘅取景器，好似俯視取景器噉啦。

發展歷程

1909年，Graflex爾個牌子出嘅一部相機，就係爾種原理，而家35mm片幅係1936年由Exakta提出嘅。

1970年代，爾種技術就得到廣泛應用，好多攝影師都好鍾意爾種相機，而且好快就普及咗。單反嘅一樣好大嘅好處就係成像同監視嘅視差幾乎零，爾個係相機技術嘅一樣突破。而家市上賣嘅單反相機絕大部份都係有得換鏡頭嘅，所以呢，題材方面好多攝影愛好者又或者係專業攝影師都唔使頭痛，乜嘢微距啊，風景啊，運動啊，肖像啊嗰啲一部相機就可以輕鬆搞掂。

基本元素

而家，好多入門嘅攝影愛好者都希望買部單反嚟到學習攝影。學攝影用單反好啲，但係即管係而家，單反都係價格不菲咖，所以呢，入門嘅愛好者應該慎重考慮。單反相機嘅好處好多咖，舉連拍功能做例子，單反嘅內部構造同數碼相機嘅唔同，所以單反嘅連拍速度快過普通數碼相機好多，至於連拍速度嘅快慢，喺單反相機裏面都有分，一般中檔機嘅快門速度都有6張到8張一秒嘅，高檔就會更加快，令攝影師可以迅速捕捉珍貴嘅瞬間，唔錯過嗰霎那嘅精彩情節。不過要睇出連拍嘅速度，首先要將ISO調高，調至F/Tv或者係M檔，儘量將快門速度調到最快（各種相機最快時間唔同）。

一般嚟講，愛好攝影嘅人都會追求質素高嘅相機，恁樣會更容易突出靚嘅效果。但係單反嘅操作比較複雜，好多愛好者買咗返嚟都唔係好熟悉操作。

感光度（ISO）

傳感器對光嘅敏感度嘅描述，行內人簡稱ISO。一般單反感光度由100~12800（中高端）不等。感光度越高，對光嘅敏感度就越高。

快門

當撳落快門嘅時候，相機會制動快門簾，喺快門閃過嘅一瞬間（就好似人咋樣嘅一瞬）就會將鏡頭前嘅影像記錄落嚟。

快門速度指由前快門簾開啓嘅一瞬間到後快門簾關閉嘅一瞬間之間嘅時間，通常以「幾分之一」嘅分數表示，而分母通常係祇能夠被二同埋/或者五整除嘅數。響一尐光線比較暗嘅場合裏面，通常將快門速度調到好慢，若然冇辦法，必須快速捕捉嗰一瞬間，就一定要將感光度調高，從而有效加快快門速度。

光圈

舊時尐光圈都附喺鏡頭上咖，而且光圈重係手動調節嘅，但係而家唔同咗啦，數碼單反一般都係響機身度通過微電腦調嘅。

光圈嘅基本作用就係控制通光量。柔光嘅時候可以儘量調大光圈，而強光嘅時候儘量縮細佢。

一幅圖片，通常主體好重要，而一尐不必要嘅背景，通常會通過「虛化」呢種方法去處理，虛化嘅對象可以係背景，亦可以係前景。至於虛化對象，可以通過焦距去調節。虛化背景嘅程度，就係以「景深」去描述。

景深深淺，一取決於光圈大細，光圈越大，虛化得就越犀利，光圈越細，成幅相就冇層次感，全部都清曬。

另外，重取決於焦距，焦距越長，虛化得就越犀利，焦距越短，反之。