四人歸西
四人歸西係一個香港嘅都市傳說，指喺打麻雀嗰陣如果連續三人打出「西」牌，下一個就唔好打「西」牌，若然再配上「一筒」，就會四人「一同歸西」（死亡）。呢個傳說亦不時成為香港影視作品嘅靈異題材[1][2]。
起源[編輯]
有啲觀點認為，呢個傳說起源來自《華僑日報》喺1953年3月5號嘅報道，標題為〈打牌鬧鬼四人打出六人〉，主要講述四個人打牌打到撞鬼，結果引來大量人士旁觀驚動警察，有報道甚至話，四人原本坐嘅位置上之後都擺放著一隻「西」牌。不過，當年就亦有唔少報道跟進事件，甚至有輿論批評相信有鬼嘅人愚蠢迷信[1][2]。
部分相關影視作品[編輯]
關於呢個傳說嘅討論／評論[編輯]
靈異節目主持人雲海，曾經接受訪問時提到自己曾經喺清明節打牌，差啲連續四個人都打西，之後仲差少少有人贏第七次（變成食七），形容件事好邪，以後清明重陽都唔敢打牌[4]。
類似文化[編輯]
日本麻雀當中，如果開局四家都打出一樣嘅風牌，而期間又無玩家上、碰、槓，就會流局，即係所謂嘅「四風連打（スーフォンレンタ?）」。日文嘅「四」同「死」同音，「四風連打」聽起嚟就好似「死風連打」咁唔多老利，所以直接流局。相傳依個規則係嚟自中國嘅「一同歸西」（連續四張西牌而流局）[5][6]，不過最遲喺1929年已經演變成為「四風連打」[7]。
出面網頁[編輯]
參考[編輯]
- ↑ 1.0 1.1 1.2 1.3 香港中華書局 (2021-08-20). 〈鬼故︱打麻雀「四人歸西」真有其事？屢被改編《奇幻潮》版嚇破膽｜開罐〉. 《香港01》 (香港中文). 喺2023-04-08搵到.
- ↑ 2.0 2.1 2.2 2.3 新假期 (2023-01-14). 〈麻雀禁忌｜「四人歸西」係真人真事 多名港人童年陰影 四人下場超悲慘！ | 熱話〉. 《新假期》. 喺2023-04-08搵到.
{{cite web}}: CS1 maint: url-status (link) - ↑ 3.0 3.1 〈【陣陣涼風飄過】 最好睇的奇幻靈異節目 真係會驚到訓唔著！〉. 《明周娛樂》 (香港中文). 2017-07-31. 喺2023-04-08搵到.
- ↑ 〈清明打牌唔信邪 雲海撞正「四人歸西」 - 玄機靈異區 - 鬼話連篇〉. 《東周網【東周刊官方網站】Eastweek.com.hk》 (臺灣中文). 喺2023-04-08搵到.
- ↑ 流局 03・四風連打
- ↑ 菊池寛『麻雀大講座 入門編』(1930年)p111。川崎備寛『最新麻雀入門』(1950年)p72。
- ↑ 杉浦末郎『麻雀の戦術』(1929年)p196。