四君子

  想搵第二個意思嘅話，請睇四君子 (搞清楚)。

鄭燮《墨筆竹石圖軸》

四君子，亦有人稱之為花中四君子，係中華文化入便對梅、蘭、竹、菊四種植物嘅統稱：梅花喺寒冬綻放、蘭花清秀雅致、菊花淡淡幽香、而竹就節節高升；啲文人成日覺得佢哋「氣節崇高」而視佢哋為君子嘅象徵。就算到咗現代，國畫都仲係時常攞四君子做題材，當中粵港澳特色嘅嶺南畫派亦有作品體現依一點。

解釋

喺傳統中華文化，四君子不溜都各有重要嘅象徵意義。

梅花出晒名「獨天下而春」，冬天尾開花，文人因此覺得佢有「不畏嚴寒、凌霜傲雪」嘅高潔品質，而且亦有傳春報喜嘅吉祥象徵。例如南宋理學家朱熹就曾經噉樣嚟描述梅花：

玉立寒煙寂寞冰，仙姿瀟灑爭無塵。

蘭花就被指係有「高潔典雅」嘅特徵，例如係以下依段古文：

芝蘭生於深谷，不以無人而不芳；君子修道立德，不以困窮而改節。

——句嘢係讚緊芝蘭，譯做現代粵語係：芝蘭生長喺深谷，唔會因冇人欣賞而唔散發芳香。君子修養道德品行，唔會因窮困而改變節操。

竹依種植物被指有「修長挺拔、不畏嚴寒、中空外直」噉嘅特徵。

菊花專喺秋季開花，有頑強嘅生命力。晉朝文人陶淵明以愛菊而聞名，而佢採菊東籬，令到菊花有咗「花中隱士」嘅稱號。

圖庫

• 
  梅
• 
  蘭
• 
  竹
• 
  菊

• 
  明朝嘅《梅花圖》
• 
  《墨筆竹石圖軸》
• 
  《清閲閣墨竹圖軸》
• 
  《仙萼長春書》菊花圖

睇埋

• 愛蓮說：依篇北宋古文將蓮花比喻做君子。
• 山水畫
• 花鳥畫
• 蔴雀花牌
• 歲寒三友

連結

• （香港繁體） 周圍「中」：花中四君子 你最似嘅係？，明報