四方帽

1922年美國化學家鄱齡(Linus Pauling)畢業照，戴住四方帽

四方帽係大學生或者研究生畢業戴嘅帽。個帽就有似隻杯𢲩落頭，杯上面連埋塊四方形板。板頂中間有幾條絮髧落來。雖然戴四方帽加畢業袍係英美習俗，但係好多地方都跟呢套。當然，重有好多畢業用自己一套。

起源

四方帽係來自基督敎三角或者四角帽（biretta），家下羅馬天主敎同聖公會間中都有用。亦都有人話係掉返轉。無論點，兩種帽都係由古羅馬 pileus quadratus變來，即係頭蓋骨加塊四方。

原本四方帽只係畀碩士用，之後就改到學士同大學生都可以用。

變化

美國俄亥俄州富蘭克林大學一個頂鋼四方帽地標。

英國博士就興戴都鐸圓帽，美國都興四六八邊帽，好似蘇格蘭帽。

家下亦有啲中小學都學埋帶畢業帶四方帽。

傳統着法

好似其他帽一樣，除非係高官，響屋裏面男人係唔戴住，而係拎住。因為咁，有啲畢業禮響室內，只係派畀女人戴，甚至唔至人人都唔戴。所以英國市區有傳聞，話畢業禮無四方帽，係抗議大學收女人。

去到20世紀下半段，學校先生會戴四方帽敎書，家下變成敎書專業標誌。

傳統個絮係黑嘅，後尾絮色代表讀邊科，或者係讀邊間學校。