四旬期
四旬期，又叫大齋期、預苦期，係基督教一個節期，喺聖灰禮儀日開始計嗰四十日（唔計六個禮拜日），去到復活節前日。
背景[編輯]
復活節主日推前四十日（唔計六個主日）嘅禮拜三稱為「聖灰禮拜三」或「撒灰節」（Ash Wednesday），喺呢日開始到復活節主日前，稱為「大齋節期」（Lent，又譯為「預苦期」或「四旬期」）。呢四十日係配合紀念耶穌喺曠野四十晝夜面對魔鬼試探嘅事蹟，所以傳統上係個嚴肅嘅節期，教會鼓勵信徒喺這段時間安排，禁食、默想、自省等靈修嘅活動（甚至有食素、戒酒等相關嘅配合行動）。教會通常喺聖灰禮拜三亦即係大齋節嘅首日，開始換象徵「懺悔」、「警醒」、「禁戒」等意義嘅紫色作為佈置。聖灰禮拜三呢日，甚至重有撒灰嘅儀式，代表住披麻蒙灰嘅心情[1]。