《國際橋牌社2》係台灣嘅一部政治劇集，係《國際橋牌社》嘅第二季。劇情集中喺1994年至1996年期間，以第一次總統直選同台海飛彈危機為故事背景展開。呢部劇集係喺2020年7月開始拍攝，去到馬祖北竿高登島同美國康奈爾大學實地取景，12月殺青。2021年9月10號，第一集喺YouTube全球免費首播，之後嘅集數喺2021年10月1號上架喺自家付費平台。公視主頻喺2021年12月25號開始，每個星期六晚上9點整連播兩集，而LINE TV喺2022年1月1日開始，每個星期六晚上11點整全網首播。
