國際煤機集團
國際煤機集團（International Mining Machinery Holdings Limited，港交所前編號：01683）喺2006年成立，係中國嘅挖煤機械裝備生產商，主要生產掘進機、採煤機同埋刮板輸送機。主席Thomas H. Quinn，行政總裁陳其坤。
2010年2月，國際煤機集團喺香港聯合交易所招股上市，招股價港幣4.88，集資25.4億，上市第一日（2月10號）股價跌咗13%[1][2]。
2011年12月23號，國際煤機集團話美國重型礦業設備制造商久益環球向公司提出全面收購已經攞到中華人民共和國商務部反壟斷局發出無條件書面批准，久益環球會按每股8.5港元嘅價錢，向公司提出強制性收購要約。國際煤機會做久益環球嘅全資附屬公司，按上市規則由香港聯合交易所退市，上市時間得兩年左右。