坪洲金花廟

坪洲金花廟

坪洲金花廟係香港新界坪洲一座廟，喺坪洲天后廟北面，供奉金花聖母，每年農曆四月十七會慶祝金花誕。

歷史

金花廟建喺清朝乾隆廿七年（1762年），相傳係一位叫賴國民嘅藥師因發現金花聖母嘅神位而令佢病妻好返而設立。座廟喺1970年代重修。傳說粵劇名伶、金花廟善信關德興師傅同金花廟住持，曾分別得到金花娘娘報夢，關德興喺1996年去世後更被封為「護法大將軍」，佢嘅肖像放喺金花娘娘左邊受人供奉。