坪源天后古廟
坪源天后古廟係香港新界北區規模最大嘅一間天后廟，喺新界打鼓嶺坪輋五洲路水流坑。喺1996年評為二級歷史建築，但係喺2010年1月22日號改列為三級歷史建築。
歷史
[編輯]坪源天后古廟喺清朝乾隆廿一年（1756年）起，曾經多次重修，最近一次喺1976年重修。
建築
[編輯]坪源天后古廟係3開間兩嘅設計，中間天井位四邊被改做成拜殿。正殿供奉天后娘娘，左邊偏殿供奉金花夫人，右邊偏殿就供奉福德正神。此外，坪源天后古廟左右兩邊都有建築物連接，分別係昇平社義祠同坪源公所。
坪源天后古廟裏面嘅文物，包括一塊喺雍正五年（1727年）製造嘅響板，同一個乾隆廿一年（1756年）鑄嘅銅鐘。