城門風水樹林特別地區（喺1977年6月14號劃定），簡稱城門風水林，係一個喺香港新界中西部嘅城門郊野公園裏面嘅特別地區，佔地6公頃。呢個特別地區係香港第一批劃定嘅特別地區之一。
另一方面，呢度喺1975年2月25號亦被鑑定為第一批具特殊科學價值地點之一。呢處一共有76種唔同嘅樹木品種，全部都被認為係由17世紀起已經存在。
