跳去內容

執笠

出自維基百科,自由嘅百科全書

執笠,又叫結業倒閉,係指一間企業或者一個組織唔再需要或者無能力繼續運作落去,而需要採取必要行動,例如停止經營。執笠嘅原因好多:

第一,可能係因為破產,即係嗰間企業或者嗰個組織唔夠資金嚟繼續營運,例如:喺香港嘅老牌建築商馮祥記,因為資金周轉問題,喺2024年3月1號破產,同埋遣散所有員工[1][2]。喺中國,2019年創店,喺高峰期有超過300間舖嘅網紅手搖飲品店「圓真真」,因為虧損太大,而全線倒閉[3][4]

第二,可能係因為經營條件轉差,令到本來好賺錢嘅生意變成好難做落去,所以老闆接咗佢,輸少當贏,例如:喺香港,2023年1月至2024年1月嘅13個月裏面有160間「財仔」執笠,原因係利率抽升、破產潮令到佢哋回收唔到資金,好多顧客有借無還[5]

第三,獨資企業可能因為老闆死咗而無辦法繼續做落去,呢啲情況下,好多時啲伙記好難追討返啲遣散費同假期補償金[6]

第四,一間企業俾另一間企業(或者競爭對手)收購而停止繼續存在。

第五,一間企業同另一間企業合併而令到部分嘅分店執笠。

第六,一個機構因為當初創建嘅條件改變咗,所以需要停止營運。

第七,另一個執笠嘅原因係老細想逃避對員工嘅責任,例如:喺香港,餐廳、酒樓因為唔想俾長期服務金,或者利用香港嘅破產欠薪保障制度,而假執笠,換招牌繼續經營,最典型嘅例子係2012年嘅「老鼠平」案[7]

雖然執笠通常係針對企業或者係非營利組織(NGO),但係所有人類創建嘅組織都有可能會執笠,從一個街邊賣糖果嘅檔口、一間教堂,到整個宗教,直至係整個國家都有可能執笠。

執笠嘅形式有兩種:自願執笠同埋非自願執笠。組織嘅自願執笠比非自願執笠少好多,原因係喺正常情況下,喺可能嘅情況之下,大多數組織都會想繼續做落去,除非發生咗一啲令到佢哋唔可能繼續做落去,或者無必要繼續做落去嘅情況,例如政治、經濟、社會或者技術環境轉差。

參考

[編輯]
  1. 日信報 - 獨眼 - 老牌建築商馮祥記破產 員工全遣散 - 獨眼. 報網站 hkej.com (香港中文). 喺2024-04-07搵到.
  2. 星島日報 (2024-03-02). 牌建築公司 馮祥記破產清盤. std.stheadline.com (中文). 喺2024-04-07搵到.
  3. TVBS新聞網 (2024-04-07). 地網紅奶茶圓真真300間舖全執笠 創辦人破產擺地攤落魄照曝光. 港01 (香港中文). 喺2024-04-07搵到.
  4. 搖飲爆破產300間店全倒了 負債900萬擺陸地攤. Yahoo News (中文). 2024-04-06. 喺2024-04-07搵到.
  5. 160間業!利率抽升、破產潮波及收數公司:香港人有借無還最攞命. (美國英文). 2024-03-20. 喺2024-04-07搵到.
  6. 主死亡 僱員權益欠保障 . ftu.org.hk. 喺2024-04-07搵到.
  7. 鼠平破欠囚三年 - 東方日報. orientaldaily.on.cc. 喺2024-04-07搵到.