基斯瑞德費爾

出自維基百科,自由嘅百科全書
跳去導覽 跳去搵嘢
基斯瑞德費爾,2009年《生化危機5》遊戲嘅造型
基斯瑞德費爾,2012年《生化危機6》遊戲嘅造型

基斯瑞德費爾Chris Redfield,クリス・レッドフィールド)係嘉富康電子遊戲「生化危機系列」裏面其中一個主角。基斯最初喺第一集《生化危機英文Resident Evil (1996 video game)》遊戲登場,佢同搭檔Jill Valentine英文Jill Valentine本身係浣熊市(Raccoon City)警察局STARS嘅成員,佢之後就變咗做聯合國嘅BSAA創辦人。

2010年真人版第四集電影《生化危機:戰神再生》由威禾夫米拿飾演基斯。基斯喺2017年動畫電影《生化危機:血仇殺戮》都係其中一個主角。呢個角色得到好評,被公認係性感形象。佢喺《生化危機5英文Resident Evil 5》遊戲裏面嘅新設計造型得到評論家同埋擁躉嘅讚賞。

設計[編輯]

神谷英樹英文Hideki Kamiya形容基斯係「率直,硬漢型」,佢承認自己係呢種類型嘅擁躉。喺遊戲開發過程中,基斯被設計成比Jill Valentine更加強壯嘅身體,能夠跑得更快,承受更多嘅傷害。Reuben Langdong幫幾款《生化危機》遊戲做基斯嘅動作捕捉。

生化危機5英文Resident Evil 5》中,基斯增加咗好多肌肉,進行大量訓練,目的係要赤手空拳對付成個遊戲系列裏面最強勁嘅壞蛋Albert Wesker英文Albert Wesker。造型師山形洋介講過「幫佢哋做新嘅設計,保留番代表性嘅顏色,基斯係綠色、Jill係藍色,延續番以前一樣嘅外貌。」《生化危機6英文Resident Evil 6》遊戲裏面稍微重新設計基斯,佢因為酗酒同埋傷後失憶症而變得有啲頹廢樣。

電影[編輯]

威禾夫米拿喺《生化危機:戰神再生》中飾演基斯瑞德費爾

基斯喺2010年真人版電影《生化危機:戰神再生》裏面登場,由威禾夫米拿飾演佢。

基斯喺2017年動畫電影《生化危機:血仇殺戮》都係其中一個主角,其他主角係Leon S. Kennedy英文Leon S. KennedyRebecca Chambers英文Rebecca Chambers (character)。同真人版電影唔同,呢個動畫電影同遊戲係有關係。個故事講三個主角要阻止Glenn Arias攻擊紐約市。

遲啲上映嘅《生化危機重啟版英文Resident Evil – Reboot》,由Robbie Amell英文Robbie Amell飾演基斯。