基督教女青年會
基督教女青年會（Young Women's Christian Association，簡稱YWCA），係基督教社會活動組織，1855年喺英國倫敦成立。創辦初期主要為組織青年婦女參加宗教活動，為離家自立嘅職業婦女提供住處，救濟貧困。之後逐步成為培養婦女德行、進行廣泛活動嘅社會機構。
歷史發展[編輯]
基督教女青年會運動起源於1855年（歐洲工業革命時代），喺倫敦創立。創辦人係金耐德夫人同羅拔女士。金耐德夫人為因為需要謀生而需要去到離開屋企好遠嘅工廠打工或跟隨南丁格爾到戰塲服務嘅青年女子提供住宿場所，羅拔女士集合婦女祈禱同研讀聖經。後嚟呢個祈禱會事工同宿舍工作合併成為咗基督教女青年會。由於好多國家跟隨英國設立基督教女青年會，到1894年成立咗世界基督教女青年會（最早會員國有英國、美國、挪威同瑞典四個國家），會址設於瑞士日內瓦。現時超過一百個國家或地區都有設立基督教女青年會[1]。