墨魚丸

出自維基百科,自由嘅百科全書
(由墨丸跳轉過嚟)

墨魚丸係利用碎墨魚肉或豬肉加入生粉整成嘅肉丸,表面色澤潔白,入口有彈性,口感爽脆,係火鍋嘅配料之一,亦常見於廣東粉麵餐廳,通常配湯粉麵一齊食,亦係種街頭小食。

墨魚丸做法係先除去墨魚有顏色嘅部分,跟住切成碎。將豬肉放入滾水度煮熟之後拎出來冷卻切粒。再將切碎嘅墨魚肉攪碎,然後同調味料攪到起膠,加入豬肉攪勻,放入生油度加熱煮熟。

墨魚丸有好多種類,例如廣東、港式墨魚丸、潮州墨魚丸(當地叫木斗丸)、海南墨魚丸、日式燒墨魚丸等。