夜叉

夜叉，鬼一類，自然精怪一類，出自印度神話，有時亦視為神。夜叉為梵文音譯。有關佢嘅面貌，唔同宗教有唔同記載，所以有唔同睇法。其性為善，但亦中意搞鬼而任性，與水、生育、樹木、森林、財寶同荒野有關。印度教、耆那教、佛教經典中，視佢為守護神，南亞同南洋，古時廟宇會設置做護法。經典又記，夜叉有兩面性格，一邊為山精、林精，與人無爭，另一邊有陰暗版本，是為厲鬼，徘徊荒野，欄住途人、啖食途人。

夜叉，又繙藥叉，意譯有能啖鬼、捷疾鬼、勇健、輕捷。古時描述，夜叉矮、敏捷而善武，夜叉女貌美，笑面迎人，身材誘人。

唐人又有叫惡女人、醜女人為母夜叉，同印度經典所記夜叉女，完全相反。

文

夜叉，梵文यक्ष，音yakṣa。巴利文यक्ख，音yakkha。英文寫yaksha。

夜叉女，梵文यक्षिणी，音yakṣiṇī。巴利文यक्खिणी，音 yakkhinī 。亦有音yakṣī 。英文yakshini。