宵禁係一種禁足令，即禁止外出令，就係唔畀去街。有規定乜時、乜地、乜人，要留喺屋度，唔準出街。一般禁令都係晚黑，日落到日出，所以叫宵禁、夜禁。不過廣而言之，亦可能全日。禁令原因各有唔同，主要都係治安而設。
英文叫curfew，原本指「暮鐘」，入黑熄火鐘，全民八點後要熄火休息，以防火燭，英倫國王威廉一世所定。curfew亦可以引伸到門限，幾點鐘唔出得街，要留喺屋內。
禁令時若要出外，就要拎到行街紙。
