大司徒

大司徒係「三司」之一；「三司」係指大司徒、大司馬、大司空，「司」既意思就係掌管；有啲朝代，大司徒會就咁叫司徒。金文（鐘鼎文）用既係「司土」、「司馬」、「司工」；而「司土」就係之後既「司徒」，「司工」就係之後既「司空」。

根據《周禮》，周朝既時候，天下官職分為天、地、春、夏、秋、冬六官。而司徒係地官之首，當時係「卿」做呢個位（周朝既官制，天子下面係諸侯、卿、大夫、士），地位只係相當於「三公九卿」當中既九卿。

大司徒係古代主管國家財政收入既最高級官員，佢既主要職務喺《周禮·地官司徒》嗰度有清晰既描述：「大司徒之職：掌建邦之土地之圖，與其人民之數，以佐王安擾邦國……以土均之法辨五物九等，制天下之地征，以作民職，以令地貢，以斂財賦，以均齊天下之政」，意思就係總管土地、物產、徵稅、令社會公平合理。

漢朝初期，無設立司徒呢個位，去到公元前1年（漢元壽二年，西漢時期漢哀帝劉欣既第三個年號），將丞相呢個位改名做「大司徒」去到東漢武帝劉秀期間，又將大司馬改成太尉，當時既「三公」係指太尉、大司徒、大司空。去到公元52年（建武二十七年，東漢光武帝劉秀既第三個年號），將「大司徒」既「大」字唔要，就咁叫「司徒」。