熊貓

How to read a taxobox

熊貓

熊貓安安，1986年喺四川寶興縣出世。而家喺香港海洋公園熊貓園長住。

瀕危指標

易危 (VU)

物種分類

域(Domain):	真核域 Eukaryotic
界	動物界 Animalia
Subkingdom:	真後生動物亞界 Eumetazoa
Superphylum:	後口動物總門 Deuterostomia
門	脊索動物門 Chordata
亞門(Subphylum):	脊椎動物亞門 Vertebrata
Infraphylum:	有頷下門 Gnathostomata
超綱Superclass:	四足總綱 Tetrapoda
綱	哺乳綱
目	食肉目
科	熊科
屬	大熊貓屬 Ailuropoda Milne-Edwards, 1870
種	A. melanoleuca

二元學名

Ailuropoda melanoleuca
（David，1869年）

熊貓出沒範圍

亞種

A. melanoleuca melanoleuca
A. melanoleuca qinlingensis

熊貓（Panda），又叫大熊貓（Giant panda）、貓熊，係中國嘅國寶級野生哺乳動物。同熊、貓一樣屬於食肉目。自從1869年一位法國傳教士第一次同熊貓改學名時叫做「黑白色嘅熊」之後，學名好快就俾人改咗。事實上科學界仍然有爭議熊貓嘅分類。

分布同產地

熊貓可以話係活化石，因為佢個樣同幾十萬年前冇乜分別。古時熊貓產地遍及中國東部、南部，以至緬甸，但而家已經縮到四川省附近幾個山區。主要生活喺海拔 2000 至 3000 米嘅竹林同針葉林裏面。

食性同生態地位

好多人都認為熊貓係主食竹葉嘅動物。其實熊貓又叫「食鐵獸」，只要佢一有機會，亦會捉竹鼠之類嘅小動物，過往亦都有食動物屍體，甚至會襲擊牲畜。而熊貓仔，亦係豹同亞洲豺犬嘅主要獵物。

保育現狀

1936年1月，第一隻大熊貓被運到美國嘅舊金山，旋即引起「熊貓熱」，呢隻熊貓後嚟到咗芝加哥，喺1938年春天死咗。而喺佢死之前，布魯克動物園（Brookfield Zoo）已經以2500美元嘅代價取得一隻大熊貓。1972年，當時嘅美國總統尼克遜訪問中國，而當年中國將「新新」同「玲玲」送畀佢。1970-80年代，大熊貓都以租借嘅方式嚟到美國嘅動物園。飼養大熊貓可以為每間動物園平均花費每年260萬美元（重未包括熊貓BB在內），如果加多一隻BB，預算就突破300萬，如果2隻，費用就直逼400萬，比起其他瀕危物種嘅花費重更加多。

香港

早喺1978年廣州動物園就曾經借出「寶玲」同「寶莉」嚟香港住4個月，之後喺1984年12月19號，福州市動物園亦借出熊貓「青青」同埋「濤濤」，喺香港住咗 5 個月。而現時來港定居嘅兩隻熊貓，「安安」同「佳佳」，就喺1999年5月18號送入香港海洋公園裏面住，耗資 8000 萬蚊起嘅「熊貓園」入面。但由於安安佳佳年事已高，更患上高血壓，中國中央政府決定再送兩隻熊貓：606（熊貓樂樂）、610（熊貓盈盈）畀香港，喺2007年4月26號嚟到。

台灣

2005年4月，屬國民黨嘅連戰訪華期間，大陸宣布送一對大熊貓畀台灣，但要直到2008年，馬英九贏咗總統大選後，贈送大熊貓先有轉機。2008年12月23號，兩隻大熊貓「團團」同「圓圓」正式搬入台北市立動物園。佢哋生咗圓仔同埋圓寶。

瀕臨絕種嘅原因

大熊貓生育率低，加上對生活環境嘅要求相當之高。要追溯大熊貓瀕危源頭可以由第一個發現嘅西方人愛德格神父（J. H. Edgar）開始。由於佢喺1916年第一次發現到大熊貓呢種古怪動物，之後吸引到大批西方人嚟中國射殺熊貓，捕捉生嘅熊貓亦成為佢哋嘅強烈慾望。直到抗日戰爭同中國內戰，外國人再無辦法喺中國繼續捕獵大熊貓，但大熊貓依然係當地人獲取肉同皮毛嘅對象。1949年以後人口增長令大熊貓嘅棲息地受到好大嘅壓力，之後嘅國民飢荒迫使佢哋獵取野生動物作為食物來源。文革期間，對大熊貓嘅所有研究同保護工作基本上都停晒。改革開放後，香港同日本嘅皮毛市場對熊貓皮嘅需求不斷膨脹，導致黑市偷獵熊貓皮嘅活動日漸猖獗，而應有嘅保護措施亦因為地方官僚作風而無法實行。

國家林業局於1998年實施全面禁止砍伐天然林同埋禁止個人擁有槍支，喺一定程度上保護咗大熊貓嘅生存。1992年之後，禁止移民入保護區，並安排居民陸續搬走，令大熊貓嘅棲息地得到一定嘅保證。經過多年嘅保護工作，有啲地方大熊貓嘅野外數量開始上升。