大聖劈掛門

出自維基百科,自由嘅百科全書
Jump to navigation Jump to search

大聖劈掛門即係指兩門功夫,《關外大聖門》即係指猴拳,《少林劈掛門》係北方一種長橋大馬。猴拳陝西寇四所創,寇四傳人耿德海宗師自細跟阿爸耿榮貴學家傳嘅劈掛門武術,後來又得寇四猴拳真傳,其後來香港設館授徒,將兩派武術合併,創立咗「大聖劈掛門」[1]。大聖門武術主攻下三路,而劈掛門武術就主攻上三路,重有七十二把擒拿手主攻關節[2][3]。大聖劈掛門武術已列入《香港首份非物質文化遺產》。

簡史[編輯]

民初內戰期間,陝西寇四因為打傷軍閥瓜牙而畀人追捕,畀耿榮貴救咗,但寇四最終都畀人捉咗去坐監。坐監期間,寇四整理自己嘅武術嗰陣,睇到啲馬騮仔紮紮跳,動作靈巧,就啟發咗佢武術思路,創咗套「五路猴拳」,即係猴拳或者大聖拳。

出獄之後,佢走去搵返救過佢嘅耿榮貴諗住報恩,點知耿榮貴已經仙遊。佢見耿榮貴個仔耿德海已經長大成人,就將佢套猴拳傳授畀佢。

耿德海一直有跟老豆耿榮貴學劈掛拳,呢門武術係佢家傳絕學。耿德海喺劈掛拳基礎上,加入寇四真傳嘅猴拳,就創立咗「大聖劈掛門」。

南傳[編輯]

耿德海宗師後來做咗鏢師,又喺南京中央國術館做刀、劍科總教練。喺八年抗戰嗰陣,又喺東北軍教大刀隊,因為咁而成為日軍針對目標,之後走咗去廣州教咗幾年之後再南移嚟咗香港,1930年成立咗民眾國術社,開始發揚大聖劈掛門拳術,喺咁多弟子之中,最享譽武林嘅有馬騮王之稱嘅陳秀中宗師。

1954年陳秀中宗師又喺耿德海許可之下開館授徒,培育咗一班出色拳手,有陳觀泰陳少川、萬榮佳、劉偉民、冼林沃黃秋生高雄、黃志偉、冼灝英李飛標、周強、何家輝、梁富新等。

套路[編輯]

拳術[編輯]

劈掛拳共三路、劈掛膀手、劈掛穿手、馬步踢退式、劈掛短打、二郎拳、燕青拳、太祖拳、少林拳、進退連環拳、形意拳、自然拳、鴛鴦拳、八掛掌、武松脫扣、綿拳、太極拳、八極拳、迷綜拳、八把貓功、黑虎拳、地蹚四平拳、石猴拳、企猴拳、木猴拳、迷猴拳、醉猴拳、猴拳對打、地瞠四平拳對打、劈掛拳對打、八極拳對打、太極推手、摔角、散手、擒拿手、自由搏擊。

刀術[編輯]

劈掛單刀共二路、太極刀、形意刀、斬馬刀、八卦雙刀、地蹚雙刃、地蹚青龍刀、春秋大刀、單刀對槍、雙刀對槍、斬馬刀對槍。

劍術[編輯]

劈掛劍、八劍式、生門創、進退連環劍、純陽劍、子路提袍劍、昆吾劍、形意劍、太極劍、雙獅劍、真武劍、武當劍、迷雙劍、白蛇雙劍、白鶴雙劍、劍對劍。

棍術[編輯]

劈掛棍、九洲棍、猴子天門棍、大哨子、少林棍對打、劈掛棍對打、三節棍對槍、大哨子對槍。

槍術[編輯]

劈掛槍、奇門槍、六合大槍、攔馬橛、金槍廿四式、太極槍、地蹚連環槍、蛇茅槍。

其他[編輯]

護手單勾、九節鞭、繩鏢、虎頭雙勾、雙、太極氣球勢、十三節獨龍鞭、地蹚大手鞭、地蹚單刀鞭、地蹚雙釵、六路猴形筆、六合判官筆。

參考[編輯]

  1. "大聖劈掛門源流". (原先內容喺2007年9月28號歸檔). 喺2007年9月7號搵到. 
  2. "大聖劈掛門功夫簡介". (原先內容喺2011年1月21號歸檔). 喺2007年9月7號搵到. 
  3. Daaising pekgwa mun (大聖劈掛門) - Jau Keung (Chow Keung / 周強)youtube