大角嘴碼頭

出自維基百科,自由嘅百科全書
(由大角咀碼頭跳轉過來)
Jump to navigation Jump to search

大角嘴碼頭係舊底香港一座碼頭,喺九龍大角嘴西面,畀人坐油蔴地小輪來回大角嘴同埋中環港內綫碼頭,曾經係香港主要碼頭之一,最後因填海拆咗。個位置大約係家下港鐵東涌綫奧運站北端,滙豐中心對出。

[編輯]

未有大角嘴碼頭之前,大角嘴碼頭連巴士總站塊地,原來係來嘅。即係亞細亞油倉對出一角凹咗入去嘅海皮,有油倉碼頭。個凹位正正係就家下𣾀豐中心,而海邊就家下海景街度。後尾大角嘴開始發展,大同船塢同其他重工業搬走起多層大廈,最後連油倉都搬埋。個凹位就填咗,起咗碼頭同巴士總站,而櫻桃街就拉長到巴士總站個位。

原本小輪係大角嘴東面旺角嘴旺角碼頭開嘅,1960年香港政府打算將塘尾道由旺角嘴亞皆老街伸長到官涌佐敦道[1],要填海起路。1972年4月23號旺角碼頭搬到大角嘴呢塊新填地,而原碼頭就填咗做渡船街。新嘅大角嘴碼頭唔單止有船搭,出面重有個大角嘴碼頭巴士總站,即家下𣾀豐中心個位,等巴士可以接人坐船過海。

1978年11月6號,大角嘴碼頭留咗一邊做開中港客運飛翔船,船係去廣州嘅,所以叫港穗碼頭。呢個係1949年之後,第一條開返嘅中港客運航綫。1988年,喺尖沙嘴起咗中國客運碼頭(又叫中港碼頭),呢啲船就轉晒去中港碼頭上落。

1992年6月1號個碼頭就執咗。因為香港有玫瑰園計劃,大角嘴對出填晒海,加上香港有地鐵(家下港鐵)、巴士代替小輪,就無再起返。個巴士總站重用多幾年,1995年5月8號先停用,啲巴士綫搬晒去奧運站周圍嘅新屋苑。碼頭海皮位起咗條深旺道,同埋地鐵奧運站。

參攷[編輯]

  1. Town Planning Board (1960). Hong Kong Town Planning Board. Kowloon planning area no. 2, (Yau-Ma-Tei) outline development plan. Hong Kong: Government Printer.