天然染料

自然染色嘅斜紋用瘋根製成,殖民地威廉斯堡, VA

天然染料係嚟自植物、動物或礦物嘅染料。植物染料用得最多，植物嘅根、莖、葉、花、果都可以做染料，連菇菌類都有人攞嚟做染料。動物染料最常用胭脂蟲。礦物染料有雲母同樹脂。

五千年前就有人將啲染料躉落個水煲度煮，煮到啲色素出曬嚟，就將想染色嘅嗰塊布，或者啲未織好嘅棉線紗線羊毛線，躉埋入嗰個煲裏邊煮，直至塊布或者啲棉線紗線羊毛線變色為止。好多天然染料需要加定色劑mordants包括礬同硫酸亞鐵，以免染好啲布料甩色。

十九世紀中葉啲人發明人造合成染料，引致天然染料市況一度大幅衰退。合成染料因為可以大量快速製造，啱啱好配合工業革命加速紡織業發展，而且接續而興起的人造合成纖維布料，亦啱用合成染料。1880年至1920年間興起「美術工藝運動」(Arts and Crafts Movement)， 支持呢個運動嘅工藝家，比較鍾意天然染料嘅豐厚多元色澤，事關天然染料時常至少混合兩種以上材料，而人工合成染料係單一材料，喺視覺上較為單調，所以響歐洲嘅家庭工藝染坊，堅持保存天然染料和工法。世界各地嘅傳統文明亦都一直保護傳承天然染料和工法。    

廿一世紀開始天然染料又再熱門要翻生囉，歐美西方啲客越嚟越注重健康，佢哋擔心人工合成染料產生過程嘅有毒石化原料對環境的影響，越嚟越多人翻轉頭用天然染料製造嘅物件。