天球赤道

赤綫為赤道

赤道cek3 dou6，天球上分隔南北各一半嘅綫，圍成一圈，實情係地球赤道投射上天球。由於同地球赤道有所分別，亦有人叫天球赤道。實情古時假定地平為多，天上面嘅赤道，早發現過地球上嘅赤道，倒轉頭地球赤道，借用咗天球赤道而名。地球赤道係基於地球自轉地軸而言，地軸傾斜，同黃道平道成夾角，有西洋二十三度四四，天上赤道同黃道亦有依個夾角。赤道同黃道相交之處，叫春分同秋分。

天球為假想嘅球體。赤道為天球至大圓，平行於赤道，就叫赤緯。垂直於赤道，就叫赤經。

赤道為基準嘅坐標，叫赤道坐標系統。西洋以赤道到天南北極，各有九十度，而赤道為定為〇度。而赤經以春分，黃道赤道相交處為〇，以時角計算。

而唐人傳統，赤經則將分為三百六十五度又四分度之一，但一般以二十八宿距星起計度數，稱為入宿幾多度。赤緯由天球北極定為零度，稱為去極幾多度，赤道就喺九十一度又十六分度之五，南極喺一百八十二度又八分度之五。

地軸相對於黃道平面會變，只係難以察覺。是為歲差同章動。咁赤道查實會移位，但會好慢，然而日積月累就好大，春分秋分都會移位。現今要求精確，赤道坐標會註明年份。

文

英文寫做celestial equator。