歲差

出自維基百科,自由嘅百科全書
Jump to navigation Jump to search
地軸如陀螺,會攞動轉圈
陀螺儀攞動

歲差,出於地軸循環擺動天極會轉圈,如圍住黃極而轉。由於轉動極慢,人一生並唔覺,望天星位置不變。然而過好幾百年,就會見到赤經赤緯不合,天球北極位置遊移,北極之星會變,黃道赤道交點,即春分秋分遊移,二十八宿唔啱位,唔再係月舍。古人以為天球恆而不變,天星經緯之變,無論曆法星占都有啲麻煩。

現今測量精密,發現黃經黃緯亦會轉移,出自行星間之萬有引力。不過,咁遠遠唔及赤經赤緯咁強,約莫五百分之一。如今叫赤道有闗,稱赤道歲差,而黃道有關,叫黃道歲差。大抵歲差都係赤道歲差為主。

歲差除咗天極轉圈,轉圈時都有震幅,名為章動。章動幅度細得多,不過要精準觀準天體,章動亦要計算在內。另外重有極移,地球表面移,都會極輕微兩極位置。

[編輯]

「冬至所在,歲歲微差」,出自祖沖之。佢發現冬至會遊移,歲有些微偏移。祖沖之為南北朝宋國編曆,編成大明曆,此句記載於宋書歷下。後世亦用咗歲差講依種現象。