天長地久 (粵語片)

天長地久係齣1955年嘅粵語片，李鐵執導，吳楚帆、紅線女、黃曼梨、石堅主演。片長133分鐘。2012年香港康樂及文化事務署同香港電影資料館選為百部不可不看的香港電影。

古仔

入贅有錢人家嘅世華（吳楚帆），雖然係酒店經理，但係老婆當佢係狗，連老母同呀妹畀人哈。世華邂逅嘉麗（紅線女），私奔澳門。世華俾佢外父整，求職無門，陷入絕路。唔想連累世華，嘉麗走咗。見返嗰時，再遇嘉麗變成紅伶，世華自尊心重，不辭而別，嘉麗追過去。

抨

改編外國嘅文學 Sister Carrie（嘉利妹妹），描寫「流水落花春去也」、「相對無言，惟有淚千行」嘅詩詞境界。紅線女飾演嘅嘉麗，儘管出身卑微，敢於對抗命運，情深義重，唔少係女姐嘅個人寫照。

片中有好多當時嘅實境，睇到1950年代港澳嘅風境。