套膜

  提示：呢篇文講嘅唔係外殼膜。

歐洲烏賊 （Loligo vulgaris，即係魷魚）嘅外套膜就係頭部以後嘅所有可見部份，即係外體壁同埋生喺上面嘅鰭。

大硨磲嘅外套膜有好鮮豔嘅顏色，可以保護大硨磲唔會被猛烈嘅陽光曬傷。

The cuttlefish uses its mantle cavity for jet propulsion

外套膜（Mantle），簡稱做套膜，係軟體動物同埋腕足動物嘅重要部分，由佢哋背側嗰邊嘅體壁向下褶同埋伸展而形成，通常都會包住隻動物嘅成嚿叫做「內臟團」嘅部分；而內臟囊同外套膜之間嘅空腔，就叫做外套膜腔，又或者就咁叫外套腔（Mantle cavity）。外套腔係軟體動物好多器官嘅開口所在，例如肛門、鰓孔、腎孔、生殖孔等。唔同動物嘅外套膜都有唔同嘅相對大細，一般都會冚住背部，但亦都有啲動物佢哋嘅套膜會大過個身，完全將個身包陷晒。軟體動物形態各異，唔少會用套膜會生出殻，亦有啲會生出虹吸管。

軟體動物祖先嘅假想解剖圖。軟體動物嘅身體主要可分做頭、足（通常唔叫腳，因為其實只係一嚿肉）同埋內臟團三個部分，部分動物重會有由外套膜形成嘅外殼。

唔同物種嘅動物嘅外套腔會有唔同嘅變化，例如：喺腹足綱嘅真有肺類物種，外套腔會變成佢哋嘅呼吸器官外套膜肺（Pallium lung）。雙殼綱生物嘅成個柔軟生體都包喺佢哋擴大咗嘅外套腔入邊，包括佢哋嘅「外殼」。喺好多類型嘅物種，佢哋外套膜嘅上皮細胞都可以分泌出碳酸鈣同埋介殼質，形成軟體動物嘅殼。而喺海蛞蝓，由於佢哋嘅外殼基本上已經退化，外套膜就成為咗呢類型動物嘅背部表面。

而作為形容詞來使用（通常用來翻譯英文名詞）時，會簡化作「套膜」，例如：「套膜輸卵管」（pallial oviduct）。

睇埋

• 船蛸
• 裸鰓類
• 軟體動物