妙法寺

出自維基百科,自由嘅百科全書
Jump to navigation Jump to search
妙法寺萬佛寶殿

妙法寺香港屯門新市鎮,1960年由洗塵法師同金山法師買入喺藍地嘅張苑而開設。

建築[編輯]

「萬佛寶殿」喺1973年開始重建,變成3層高,並喺1980年完工。佢放棄咗傳統佛寺嘅建築結構:

  • 外觀雙層屋脊,並舖上金光燦爛嘅琉璃瓦片,飛簷上面有陶瓷製成嘅動物裝飾,大廈嘅最高處有一座由兩條金龍守護住嘅佛塔。
  • 頂層係大雄寶殿,供奉3尊5公呎高嘅釋迦牟尼佛藥師佛阿彌陀佛嘅立像,重有三道由屋頂吊落嚟嘅巨型梨狀水晶燈,橫樑上面描繪咗釋迦牟尼嘅一生事蹟。內壁鑲咗萬幾個唔同姿態嘅金佛瓷磚,聽講係仿照北京頤和園嘅萬佛殿而起嘅。左右兩壁就分立咗16尊以半浮雕制作嘅佛像。
  • 中層係法堂,供奉玉佛像,呢度亦可以擺40幾圍素食。樓梯間有半浮雕描繪釋迦牟尼嘅故事。
  • 底層供奉彌勒佛像同四大天王像。

殿前擺放一對威猛嘅巨大金龍,環繞住紅磚砌成嘅前門大柱。大門入口嘅兩邊擺放石獅子同麒麟,亦有2隻擁有6隻牙嘅白象雕像。

「萬佛寶殿」側邊係一座樓高6層,佔地650平方公呎嘅綜合大樓。新大樓喺1999年2月2號正式開始起,2006年至2007年間起好。新綜合大樓因配合資訊科技時代,用新時代嘅建築設計,放棄傳統唔合時嘅佈局,以實用為目的,方便第日維修同保養,以免浪費善信嘅布施。綜合大樓裏面設有玻璃佛殿、圖書館、容納1,000觀眾嘅演講廳、辦事處同停車場等設施。裏面重設有水晶蓮花雕塑,供奉一尊8公呎高嘅釋迦牟尼像,兩邊分立舍利弗尊者像同目犍連尊者像。

圖片[編輯]

出面網頁[編輯]