妥懽帖睦爾（1320年5月25號—1370年5月23號），係大元第十一個皇帝，亦係大元喺中原嘅最後一個皇帝，1333年到1370年在位（1368年退出中原），跟廟號叫元惠宗，跟大明諡號叫元順帝。
妥懽帖睦爾係元明宗長子，元寧宗阿哥。1332年12月，元寧宗過身。之後妥懽帖睦爾繼位做皇帝，就係元順帝，佢在位初期曾經推行脫脫更化，不過後來荒淫無度，沉迷木工，唔理朝政。
1368年，南方嘅朱元璋建立明朝，派兵北伐，元軍擋唔住，順帝離開大都走去上都。1369年明軍逼近上都，順帝走去應昌，1370年喺應昌病死。之後由太子愛猷識理達臘繼位，就係元昭宗。
大明朱元璋認為佢「順天應人」，上謚號叫順皇帝；愛猷識理達臘上謚號宣仁普孝皇帝，加埋廟號惠宗。
