姚俊威

姚俊威（Dickson Yeo Jun Wei）係星加坡人，2019年畀美國政府揭發為中國政府做間諜。

早年生涯

佢喺2015年入讀新加坡國立大學李光耀公共政策學院嘅博士課程，2017年畀新加坡政府驅逐嘅美籍華裔學者黃靖曾經係姚俊威嘅導師。

擔當中國間諜案件

佢喺2019年11月入境美國嘅時候喺紐約甘迺迪國際機場被捕，之後美國司法部宣布，姚俊威承認喺美國設立諮詢公司為中國情報部門收集情報，同埋使用專業人士社交網站領英招募一啲可能接觸保密信息嘅美國人，特別係一啲擁有高級別安全許可嘅美國軍方同埋政府僱員。招募返嚟嘅美國職員，會為佢嘅虛構公司客戶（即係中國）撰寫報告。佢仲向美國調查人員透露，佢先前嘅情報任務也包括美國以外嘅其他國家。

案件被報道初期，好多媒體都將佢嘅名翻譯作做楊忠偉。

2020年7月，佢喺美國法院承認一項非法做外國代理人嘅罪行，10月喺美國被判監禁14個月。

去到2020年12月，佢被遣返去新加坡嘅時候，被新加坡政府以《內部安全法》拉咗。新加坡內部安全局講明，新加坡唔畀外國人利用新加坡人進行有損新加坡安全同國家利益嘅任何活動，不過中國外交部回應事件嘅時候就話唔了解件事。