威廉華萊士

威廉華萊士

威廉華萊士（英文：William Wallace，蘇格蘭蓋爾語：Uilleam Uallas；1272年—1305年8月23號）係一名蘇格蘭人、騎士同貴族，響蘇格蘭獨立戰爭入面做其中一個阿頭，反抗英格蘭。

佢喺1270年代連夫魯郡 (英語：Renfrewshire；蘇格蘭蓋爾語：Siorrachd Rinn Friù) 嘅一個士紳家庭出世。早年事跡甚少，而且佢的生活中有很長一段時間都無可靠嘅史料印證。

1296年，英格蘭嘅愛德華一世利用咗蘇格蘭嘅繼承危機吞併蘇格蘭，華萊士喺一次口角之後帶人攻擊而且殺死當地治安官William de Heselrig，從此開始帶領蘇格蘭人同英格蘭戰鬥，希望可以脫離英格蘭統治。一年後（1297年），華萊士同安德魯·莫瑞（Andrew Moray）聯兵喺史特靈橋之役中大敗英格蘭軍，並且成為蘇格蘭護國公（Guardian of Scotland）。之後繼續揮軍南下進攻英格蘭北部，並洗劫約克郡。但係次年（1298年）嘅福爾柯克之役入面，華萊士喺卡蘭德森林被愛德華一世四面圍攻、慘敗英格蘭軍，其後逃走並辭去蘇格蘭護國公職位。1305年，華萊士俾部下出賣，喺靠近格拉斯哥嘅羅伯伊斯頓被英格蘭逮捕，被交到英王愛德華一世手上，喺倫敦西敏寺以叛國罪之名被處英式車裂之刑。