威翠花園斬人兇殺案
威翠花園斬人兇殺案發生響2016年7月31號晏晝威翠花園C座十六樓一個單位[1][2][3]。
背景[編輯]
司警披露詳細案情話，死者一家同疑兇過去幾年，因為走廊雜物攞放同噪音問題，已經發生多次拗撬，警察亦曾經介入調停冇效，疑犯就響自己屋企門口出面裝咗閉路電視睇實佢哋。案發嗰日朝早，疑犯放工返屋企嗰時，響走廊見到死者細仔，死者細仔唔妥鄭男掘實佢，所以掘返佢轉頭之後就開始拗咬，唔排除鄭男知到對方係警察，加上對手後生強壯，唔敢同佢正面對峙，懷恨在心返翻屋企飲酒計劃報仇，之後佢就響屋企透過閉路電視睇實死者一家有咩動靜，重準備咗兩張連柄長一呎左右嘅斬肉刀。直到晏晝兩點，疑犯發現死者屋企鐵閘開咗，就趁機雙手攞刀衝入單位，對死者同佢嗰細仔狂斬，期間死者同兇徒糾纏期間身中七刀，兩邊面、頸部、心口同手都有長三到廿六厘米嘅刀傷，其中心口嘅傷口去到廿六厘米，死者老婆見到噉嘅情況立即走出單位同隔離屋求助，期間打鬥聲嘈醒咗響房瞓緊覺嘅死者大仔，兩兄弟合力將疑犯制服。細仔同大仔制服疑犯期間細仔頸同心口受傷，疑犯身上後腦同左手手指亦有刀傷。消防員到場嗰時已經發現佢意識唔清醒，最終去到同日晏晝三點廿分傷重不治，而細仔情況穩定要留院觀察。另外現場亦有一個女人受驚要送院治理[1][2][3]。
涉事人[編輯]
斬人[編輯]
司警表示，斬人疑犯姓鄭，五十二歲，澳門居民，中等身高，身材結實，做凍肉公司雜工，同老婆連埋個女一齊住，同死者一家係隔離屋關係[1][2][3]。
被斬[編輯]
被斬死嘅男人複姓歐陽，五十九歲，澳門居民，同女婆連埋一對仔一齊住[1][2][3]。
事件中受傷嘅細仔廿三歲，2016年入職治安警察局，目前被派到海島警務廳做嘢。
幫手制服疑犯嘅大仔都係做治安警。
後續[編輯]
治安警察局[編輯]
治安警強烈讉責暴力行為，對警員親人死咗表示沉痛哀悼同致深切慰問，會盡力支援受傷警察嘅屋企人[1][2][3]。
司法警察局[編輯]
疑犯由司警局人員拉咗。案件懷疑涉及鄰里糾紛，司警進一步調查之後以涉嫌殺人、殺人未遂同禁用武器，移送檢察院處理，全部控罪加埋最高要坐三十年監[1][2][3]。
社會工作局[編輯]
社會工作局話，根據資料事件入面兩個家庭成員從來都冇接受過社工局服務，事件發生之後即刻啟動廿四小時緊急支援服務，派員支援受事件影響嘅兩個家庭，包括提供緊急情緒支援服務。另外，會以個案管理模式，繼續協調資源，為受影響家庭提供心理治療服務、哀傷輔導同協助處理喪葬事宜之類，協助有關家庭成員響創傷事件入面好返，返翻平時生活[4]。