嬰兒奶粉

嬰兒奶粉一罐

嬰兒奶粉係一種專為蘇蝦仔而設奶粉，為母乳嘅代替品，畀出世到十二個月大飲用。嬰兒奶粉又叫配方奶粉、嬰兒配方奶粉，因為佢特別配過，扮人奶。由於孲仔腸胃未成熟，而生長所需營養有特別需求，成分需要特別設計。除咗奶粉形式，亦有可以唔使沖，即飲嘅水奶。

啲奶粉多數入罐，以量羹畢出，一羹稱之為一殼奶粉。開水比例，各家產品各有定，需要跟指示做。

奶粉模仿人嘅母乳成分，然而未能百分之百，有好多微細成份，奶粉模仿唔到，故此各國都推崇母乳。但現實亦有好多情況，需要餵奶粉。

奶粉多數入奶樽用熱水開。一旦凍咗，可以熱水座奶，或者用座奶器幫手。