子彔

子彔，祭名武庚，係商王子受，即紂王個仔，所以金文寫王子彔。王子彔，即係王嘅仔，而佢個名叫彔咁解。後世同個彔字加示符，所以又叫祿，或者美稱祿父。

周國武王姬發東征伐商，但重未平服到商民。所以就安排子彔睇住商民，而姬發又派佢啲細佬監視，即係三監。子彔響姬發死後，聯埋姬發三個細佬叛變，即係後世叫嘅三監之亂。結果畀周公姬旦掃平，而子彔首先向東走，去商屬國，但又畀姬旦打到來。結果北走，去到另一個商屬國匽。最後召公姬奭又打到來。子彔下落不明。