子羨

出自維基百科,自由嘅百科全書
跳去導覽 跳去搵嘢
帝乙
Si Si Bi Qi you inscription.jpg
有關祭祀子羨佢「四祀弋卩其卣」嘅銘文。其中,佢畀人叫做「文武帝乙」。
在位約前1101年-前1076年

前1111年─前1102年
前任文丁托
繼任紂王
私人明細
仔女微子
微仲
紂王
全名子羨
尊號文武帝(唔肯定)
文丁托
唔知

子羨(?—前1076年),尊號帝乙,係商朝第三十任君主(一說第三十一任),係紂王辛老豆,不過唔知佢確實嘅在位時間,比較可信嘅時間係前1101年前1076年在位[1]

生平[編輯]

佢係文丁托個細仔,大佬係箕子,二佬係比干[2]。後嚟老豆文丁死咗,由佢繼位,成為商朝君主。跟據《史記》嘅說法,商朝響佢上台之後愈嚟愈衰落[2]。響佢繼位第二年,周開始同商打仗[3]。響第三年,周朝發生地震,伐商呢件事因而作罷[4]。響第十年,佢開始同人方(即東夷)打仗[5]。亦有人話佢響晚年遷都去朝歌(即依家嘅河南淇縣[6]

帝乙歸妹[7][8][編輯]

歸妹係講子羨佢嫁個妹去西伯姬昌,但係最後都係返歸而算數。

由於先王子托怕有朝一日會威脅到佢,所以誘騙姬歷過嚟之後即刻監禁佢,從而餓死佢。因呢件事,商周關係惡化。輪到子羨佢嘅時候,人方響度搞搞震,佢驚周會趁機搞事,所以嫁女和親,希望和好。以周嚟講,卦辭征凶,無攸利。但係嗰時周嘅勢力都係唔夠商嚟,如果同商打起仗會對周非常不利,所以和親對周反而仲好。《詩經·大明》都寫有「大邦有子,俔天之妹。文定厥祥,親迎於渭。造舟為梁,不顯其光。[8]」而二女嫁嗰時已經過咗月圓,仲有嬬女伴嫁。不過佢哋無生仔,所以最後二女返歸[8]

征伐人方[編輯]

人方係晚商時期一個位於東方、而且好強大嘅方國(即部落),而後嚟周朝就叫人方做東夷[9]。根據甲骨卜辭,響佢在位期間至少同人方打過兩場仗[10]。不過佢響任內都未打低人方,一直到仔紂王辛一代先至打低人方,但就因而造成國力空虛[11]

傳位[編輯]

佢有三個仔,分別係大仔啟(即微子)、二仔衍(即微仲)同埋細仔辛(即紂王)。因為大仔啟同埋二仔衍都係庶出,而細仔辛係正室個親生仔,所以就立辛做太子[2]

不過《呂氏春秋》就話啟同辛其實都係正室生嘅,不過因為正室生啟嗰陣身份只係「妾」,而輪到生辛嗰陣身份係正室[12]。本身子羨佢係想立啟做太子,不過一個太史反對,話「有妻之子,而不可置妾之子。」因而立辛做太子[13][12]

屋企[編輯]

老豆:文丁托

[編輯]

  1. 《夏商周斷代工程1996-2000年階段成果報告》. p. 第61頁.
  2. 2.0 2.1 2.2 《史記·殷本紀》.
  3. 《太平御覽》八十三引(古本)《竹書紀年》.
  4. 《呂氏春秋·製樂》.
  5. 李學勤 (1959年). 《帝乙十祀征人方路程》. 科學出版社.
  6. 《帝王世紀》.
  7. 顧頡剛 (1929年). 《周易卦爻辭中的故事》. 燕京學報.
  8. 8.0 8.1 8.2 "《易經》破譯(十):帝乙歸妹的秘密" (中文). 喺2020-08-01搵到.
  9. 历史趣闻. "商朝君主子羡_帝乙简介". 原著喺2019年11月1號歸檔.
  10. 《中華上古史》. p. 386頁.
  11. 《左傳·昭公十一年》.
  12. 12.0 12.1 《呂氏春秋·卷十一》.
  13. 《呂氏春秋·當務》.