孔雲龍

孔雲龍，中華人民共和國北京德雲社「雲」字科相聲演員，綽號「小三」，原名孔德水。曾經係飯店嘅服務員，2004年經一位老先生介紹，拜喺郭德綱門下^[1]。主要拍檔有馮闊洋、欒雲平等。主要作品有《地理圖》《竹城水寨》《白事會》《八大吉祥》等。

2010年4月，德雲社三裏屯劇場喺玉樹地震災區舉辦3日嘅義務演出，孔雲龍擔任其中一日嘅主角^[2]。

2010年10月13號，德雲社「中國相聲精品節目系列展演」入面，喺三裏屯德雲社劇場再次為孔雲龍開設相聲專場，重喺網上直播^[3]。