孟晚舟案
孟晚舟案始於2018年12月1號加拿大警方應美國司法互助要求，逮捕喺溫哥華轉機嘅中國華為副董事長兼 CFO 孟晚舟，引發涉及中、美、加三國嘅司法、政治、外交事件。
2018年12月1號，孟晚舟被逮捕嗰陣面臨美國紐約東區聯邦地區法院嘅指控。初時加拿大未明確指出逮捕孟晚舟嘅理由，不過好多傳媒都報導指出孟氏好可能係因華為涉嫌違反美國出口管制，向伊朗出售「敏感科技」，並「以假賬資料掩護」而被捕[1]。事後，中華人民共和國駐加拿大大使館喺12月6號表示堅決反對並強烈抗議，向美國同加拿大兩國提出嚴正交涉，要求佢哋立即恢復孟晚舟嘅人身自由[2]。12月8號，中華人民共和國外交部副部長樂玉成緊急召見加拿大駐華大使麥家廉，表達咗相同嘅訴求[3]。12月9號，中國外交部又緊急召見美國駐華大使布蘭斯塔德，就美方要求加方拘押喺加拿大溫哥華轉機嘅華為公司負責人提出嚴正交涉同強烈抗議[4]。12月11號，孟晚舟獲英屬哥倫比亞省高等法院批准保釋，案件延期到2019年2月再審[5][6]。
2019年1月28號，美國代理總檢察長惠特克、商務部長羅斯、國土安全部部長尼爾森，同埋聯邦調查局局長克裡斯托弗·亞瑟·雷，喺美國司法部舉行聯合新聞發布會，宣布正式要求引渡孟晚舟，又以23項罪名起訴華為[7]。
2020年5月23號，喺長達500日嘅保釋之後，加拿大法院宣佈，引渡案嘅第二階段聆訊排期到2021年3月審結[8]，加拿大總理朱斯坦·杜呂多被問到呢單案嗰陣，佢強調加拿大係司法獨立國家[9]。2020年5月23號，孟晚舟同親友、同事喺英屬哥倫比亞省高等法院門前嘅梯級上影相，張相入面大家擺出大拇指同勝利手勢[10]。
2020年5月27號，英屬哥倫比亞省高等法院裁決孟晚舟敗訴，呢單引渡案符合「雙重犯罪」標準，法院將繼續審理呢單引渡案。孟晚舟要留喺加拿大參加之後嘅聽證並且等待新嘅審判結果[11]。
2020年8月，孟晚舟申請發布更多同佢逮捕同審訊有關嘅機密文件嘅請求被加拿大聯邦法官否決，理由係同呢單案件無關[12]。
參考
[編輯]- ↑ Rhianna Schmunk, Liam Britten. "Huawei CFO Meng Wanzhou to spend weekend in jail after bail hearing adjourns". CBC News. 原先內容歸檔喺2018-12-12. 喺2018-12-08搵到.
- ↑ 〈駐加拿大使館發言人應詢就加方逮捕中國公民事發表談話〉 (中國中文)。中國駐加拿大使館。2018-12-06。原先內容歸檔喺2018-12-06。喺2018-12-06搵到。
- ↑ 〈外交部召見加拿大駐華大使 就無理拘押孟晚舟提出交涉〉。《外交部網站》。原先內容歸檔喺2018-12-08。喺2018-12-08搵到。
- ↑ 〈外交部召見美國駐華大使 就美方要求加拿大拘押華為公司負責人提出嚴正交涉〉。原先內容歸檔喺2020-02-05。喺2019-09-11搵到。
- ↑ 〈被加拿大拘押的中國公民孟晚舟獲得保釋〉。《觀察者網》。2018-12-12。原先內容歸檔喺2018-12-12。喺2018-12-12搵到。
- ↑ 〈孟晚舟被批准以1000萬加元保釋〉。《聯合早報》。2018-12-12。原先內容歸檔喺2018-12-12。喺2018-12-12搵到。
- ↑ 〈美國正式引渡孟晚舟 指控華為23罪〉。原先內容歸檔喺2019-01-29。喺2019-01-29搵到。
- ↑ 〈存檔副本〉。原先內容歸檔喺2020-07-04。喺2020-07-03搵到。
- ↑ 〈存檔副本〉。原先內容歸檔喺2020-05-26。喺2020-05-26搵到。
- ↑ 〈存檔副本〉。原先內容歸檔喺2020-05-27。喺2020-05-27搵到。
- ↑ 〈存檔副本〉。原先內容歸檔喺2020-06-07。喺2020-05-27搵到。
- ↑ 〈孟晚舟請求公開更多機密文件被否 被捕時遭受程序濫用 千龍網〉。原先內容歸檔喺2020-09-03。喺2020-08-26搵到。