宇文贇

出自維基百科,自由嘅百科全書
Jump to navigation Jump to search

宇文贇559年580年),係北周第四位皇帝578年579年在位,跟謚號周宣帝

佢係中國史上,出名嘅大墨魚(鹹濕)皇帝。喺佢坐上龍椅之前,老豆宇文邕對佢嘅管教極為嚴格,曾經派人監視佢嘅言行舉止,甚至只要犯錯就會嚴厲懲罰。建德二年(573年),宇文贇娶咗隋國公楊堅嘅大女楊麗華做老婆。

宣政元年(578年)宇文邕瓜老襯後,遺詔太子宇文贇襲統大寶。宇文贇即位,史稱「周天元」。宇文贇喺老豆駕崩後,面無哀戚,撫摸住腳上被打嘅杖痕,大聲咁對住周武帝嘅棺材喊道:「死得太遲喇!」周宣帝即位後,沉湎酒色,史稱:「宣帝初立,即逞奢欲。」最後甚至五位皇后並立(天元大皇后楊麗華、天大皇后朱滿月、天中大皇后陳月儀、天左大皇后尉遲熾繁、天右大皇后元樂尚),呢家嘢打破咗前趙昭武帝劉聰「三后並立」嘅記錄,又大肆裝飾宮殿,而且濫施刑罰,成日派親信監視大臣言行,大成元年(578年),佢就隊冧齊煬王宇文憲,北周國勢逐漸走下坡。