安息禮拜
安息禮拜係基督教儀式喪禮，可以喺殯儀館、教堂、醫院或殮房舉行。程序一般包括宣召、唱詩歌、讀聖經、牧師或傳道人帶領祈禱同祝福、瞻仰遺容等。辭別禮會喺墳場或火葬場舉行，棺木安置墓穴之後或入火化入爐前，親友可以向靈柩獻花。安息禮拜係為咗死者遺屬同親友追思而設立，而唔係為咗超度死者。
目的
[編輯]安息禮拜嘅目的係俾親戚朋友，悼念死者嘅同時亦向喪家表達慰問同支持。透過喪禮儀節，讓遺屬同親友喺靈堂前適當噉舒緩悲傷嘅心情，同時亦可以重申基督嘅盼望，讓參與嘅人都能夠得到安慰同盼望[1]。
禮儀
[編輯]- 出席喪禮嘅目的，係向死者嘅家人表達關心、慰問。
- 衣着只需要穿着黑色或素色衫就可以，唔適宜穿着暴露嘅衣物。
- 安息禮拜唔會好似其他宗教儀式噉有任何禁忌，但喪家嘅屋企人可能未係基督徒而有禁忌，例如︰屋企人唔接受握手，亦應該表示接受同理解。
- 靈堂度要保持安靜，唔好大聲講大笑。
- 帛金冇規定要單雙數。
- 安息禮拜會以「默禱禮」代替「三鞠躬禮」。
- 瞻仰遺容儀式如果唔習慣可以唔參與，只需要坐喺位度等候。
- 吉儀基督教冇規定唔可以帶返屋企嘅禁忌，離開之後隨便處理就可以。