安條克一世 (科馬基尼)

出自維基百科,自由嘅百科全書
安條一世同赫拉克勒斯握手像(現存於大英博物館

安條克一世(希臘語:о Αντίοχος Θεός Δίκαιος Επιφανής Φιλορωμαίος Φιλέλλην, 約前86年前38年),係科馬基尼王國(位於現今土耳其東南部)最出名嘅一個國王(前70年前38年在位)。

家庭同世系[編輯]

就目前所知,安條克一世係科馬基尼王國米特里達梯一世同勞廸絲七世(Laodice VII)唯一嘅兒子,因此佢同時擁有帕提亞同希臘血統。佢父親米特里達梯係前國王薩姆斯二世個仔。根據內姆魯特達格陵墓嘅銘文碎片,考古學家發現米特里達梯嘅祖先就係波斯國王大流士一世嘅子孫。

安條克嘅母親勞迪絲係來自塞琉西帝國嘅一個敘利亞嘅希臘裔公主。勞廸絲嘅父親係敍利亞希臘國王安條克八世,母親特里菲娜(Tryphaena)係希臘托勒密王朝公主及後來嘅敘利亞王后。安條克因此係第一個希臘敍利亞國王塞琉古一世埃及第一位希臘法老王托勒密一世嘅後裔。佢呢兩位祖先都係古希臘馬其頓國王亞歷山大大帝嘅將領。安條克嘅父母其實係兩王國和平結盟下所締成嘅婚姻,佢父親亦因此深受希臘文化薰陶。前70年米特里達梯死後,安條克繼位成為科馬基尼國王。

同羅馬人嘅關係[編輯]

羅馬共和國以外交手腕吞併安那托利亞領土嘅時候,安條克仍然能夠保持科馬基尼獨立。安條克第一次出現喺古文獻係當羅馬將軍Lucullus喺前69年進軍大亞美尼亞國王提格蘭大帝嘅時候。

龐培將軍喺前64年成功入侵敘利亞嗰陣,安條克同龐培講和,重同龐培結成聯盟。前51年當西塞羅(Quintus Tullius Cicero)做奇里乞亞總督時,安條克提供畀西塞羅有關帕提亞人動向的情報。喺凱撒同龐培打內戰嗰陣時,安條克提供軍隊畀龐培。

前38年,羅馬馬克·安東尼嘅將領巴蘇英文Publius Ventidius Bassus喺征服帕提亞之後,想向安條克宣戰,因為佢兩個都貪科馬基尼的寶藏和財富。正當兩人要宣報圍攻科馬基尼同佢個首都撒摩撒他(Samosata)之時,安條克又同佢兩個講和。

內姆魯特達格[編輯]

安條克最出名係佢喺內姆魯特達格(意即內姆魯特山)嘅宗教聖殿。佢做國王嘅時候,為自己創立咗王室膜拜儀式作為佢死後嘅禮拜。佢受到激發同希臘式嘅瑣羅亞斯德教創立自己嘅膜拜儀式。佢留下大量希臘銘文,揭示咗好多佢宗教上嘅觀點同埋解釋佢點解咁做。佢喺其中一篇銘文中講,佢將陵墓豎立喺又高又神聖嘅地方,因為佢要遠離凡人而且應該接近天上眾神,而且同天神平排。佢要佢條屍永遠世保存。佢崇拜嘅神融合咗希臘同波斯嘅神祗,有些神祗係人格化咗嘅太陽、月亮同行星。神像受波斯同希臘影響,衣服、頭飾同龐大外形係受咗波斯影響,而塑像就受咗希臘影響,神祗具有希臘特色同風格。

安條克佢實行一種現今失傳嘅占星學,奠下曆法改革嘅基礎。佢將以月球運行為基礎嘅「科馬基尼年」連結到古埃及曆法中嘅「天狗周期」(Sothic Cycle)。可見安條克即使唔係「漢密斯神智學」(Hermeticism)嘅始創人亦都係一個專家。

安條克式嘅漢密斯神智學長埋地下,佢個墓穴用宗教慶典活動嘅格局建築。安條克每個月都有兩個慶典:每月八號慶祝佢生日同每月十六號慶祝佢嘅加冕。他會撥出經費贊助這些活動。

佢嘅祭師們着住傳統嘅波斯袍,同埋用金冠裝飾肖像作為對祖先嘅崇拜。班祭師會喺祭壇上放置香、香草同祭品。當有卓越嘅人物逝世嗰陣,所有市民同駐守嘅軍人都會被邀参加表揚佢嘅宴會。喺筵席上唔可以悲傷,祭師立令要啲人盡情吃喝、享受。喺喱一日歡慶中啲人可以喝酒,席上亦有酒水供應。安條克首創喺宴會中由女樂師演奏。喺1883年被德國考古學家發現之前,安條克嘅陵墓一直被人遺忘咗幾個世紀咁耐。

根據所發現嘅銘文,安條克似乎係一個寬宏大量嘅人。喺王國另一城市Arsameia發現皇宮嘅遺跡,該皇宮叫做Eski Vale或者舊城堡。喺Arsameia,安條克遺留下大批記載住佢嘅治理大綱同如何優化該城市嘅希臘銘文。

仔女[編輯]

安條克嘅老婆唔知係邊個,不過佢有三個仔女。一個仔米特里達梯二世前38年安條克死後繼承王位;另一個仔安條克二世喺前29年被羅馬皇帝奧古斯都下令處死;有個女(唔知乜名)嫁咗畀帕提亞國王奧羅德二世

參看[編輯]