宗法制度

宗法制度係西周一個重要嘅制度。宗法制度確保咗嫡大仔（正室個大仔）嘅繼承權，形成大宗同小宗嘅概念，維護西周嘅封建制度。

概念

響宗法制度之下，人係分咗做五級（天子、諸侯、卿、士大夫、庶民）。只有嫡大仔（即係所謂「大宗」）先可以繼承老豆嘅級數，其他仔（即係「小宗」）就要跌一級，最盡跌到去庶民。

瓦解

西周末年，周幽王為咗氹妃子褒姒開心，就立佢做王后，亦變相做咗周幽王嘅正室，而佢個仔伯服亦順理成章做咗嫡大仔，成為周天子嘅王位繼承人；而原先嘅王后申后個仔宜臼因為噉冇咗個王位繼承權。幽王噉做令到申后個老豆申侯不滿，認為噉樣等於破壞宗法制度，最終響烽火戲諸侯之後乘機夾埋犬戎入侵西周首都鎬京，殺死周幽王，立宜臼做新天子周平王。

周幽王開咗先例之後，再冇諸侯遵守宗法制度，宗法制度瓦解。

參攷

• 新世紀《中國歷史》第一冊