官涌

出自維基百科,自由嘅百科全書
跳去: 定向搵嘢
官涌

官涌粵拼gun1 cung1英文Kwun Chung)係香港九龍一個地方,響九龍半島嘅西岸,油麻地尖沙嘴之間。官涌響同香港早期歷史好有關係,官涌之戰官涌炮台都曾經響度一度出現過。家下官涌係繁盛嘅商住區。

官涌係一個民間地區,傳統上殖民地政府將官涌歸入去油蔴地,去到柯士甸道。過佐條街就歸尖沙嘴。所以官涌同油蔴地並無固定分界。地鐵通車之後,因為有佐敦地鐵站,官涌近彌敦道一帶,唔少人叫佢做佐敦。

英人早年調查,將官涌寫成Koon Chung。

地理[編輯]

1845年地圖,官涌為一涌谷,西南官涌山上有寨

原官涌係個谷,有喺今日京士柏流去九龍西岸,涌起於加士居道佐敦道交界,對上嘅谷。因為谷中間有個細山,向西分途,約莫經今日加士居道同佐敦道,再匯合,大約由甘肅街一帶流出海。佐敦道同炮台街界一帶原有官涌山,高約120呎,即官涌炮臺所有地。佐敦道南亦有山,高約五十呎。山連住南便另一個座山,大邊肋,即係今日九龍公園。[1][2]

今日官涌已經剷平,條涌都無埋。地勢只淨舊南九龍裁判署一帶山可以睇到。因為剷山唔夠平,所以由柯士甸道地勢稍高。官涌對出海面填到去今日港鐵九龍站

[編輯]

1839年,英軍進攻九龍,英船畀官涌炮臺炮打。1839年11月4號到13號,英軍先後六次進攻官涌山,均告失敗 。

1840年,林則徐喺官涌山起官涌炮臺(又名臨衝炮臺),設有官署、兵房、廟同藥庫等建築物,並派駐75兵防守。不過一年之後,因為砲臺孤懸海外,林則徐下令撤防。鴉片戰爭時,炮臺畀英軍佔領,之後拆咗,石頭運過去港島用來起屋。家下官涌街同炮台街係炮臺故址。

之後英國曾經響官涌一帶調查過。呢度係有河谷同埋有農民喺度耕田大清喺官涌山駐紥,有寨。

1841年英國得到香港之後,大清對英國大為緊張,加強九龍防務。

1860年英國得到九龍半島,官涌為英人治地。

1906年,香港打大風,損失巨大。香港政府喺1909年通過《建築避風塘條例》,起油蔴地避風塘。政府將官涌山夷平,沙石用來填平旺角到油麻地一帶淺灘,同埋起防波堤。雖則官涌山塊地移平咗,仍然會睇到官涌呢塊地係南向北斜。

官涌山剷平之後,就開始發展。發展係佐敦道北便先,之後先至到佐敦道南便。原因係九龍唐人往宅商業,係由油蔴地嗰邊開始。

根據地圖所示,官涌海旁,1923年有煤倉,對出係海軍船塢。1968年有政府船塢

1979年,地鐵通車,喺官涌設站。個站用跟英國習慣,以街名命名。所以跟佐敦道,叫佐敦站。自此,唔少人將佐敦地鐵站附近,改叫佐敦。

社區設施[編輯]

節慶[編輯]

盂蘭節期間,會有盂蘭勝會,即係尖沙嘴官涌盂蘭勝會。個會喺九龍佐治五世紀念公園舉行。

[編輯]

  1. 1845年哥連臣測繪地圖
  2. 1863年提議九龍街道圖

參考[編輯]

出面網頁[編輯]